दरवर्षीच स्मरणीय व आनंदाची पर्वणीच राहणारी मोडनिंब ग्रामदैवत वेताळ देवस्थान यात्रा पाऊसमय वातावरणातदेखील उत्साहामध्ये संपन्न

मोडनिंब वेताळ बाबा यात्रा म्हणजे ज्ञानवृद्धी,संस्कृती चा अनुभव, मनोरंजन आणि आत्मिक तृप्तीचा आनंदच.

मुख्य संपादक : संतोष पांढरे

मोडनिंब गावाचे ग्रामदैवत श्री वेताळ देवस्थान यात्रेस यंदा शनिवार दि.10 मे 2025 पासून सुरुवात झाली होती.सलग सहा दिवस यात्रेनिमित्त नानाविविध मनोरंजनाच्या कार्यक्रमाचे आयोजन करण्यात आले होते.खरोखरच दरवर्षी ची वेताळ बाबा ची यात्रा ही स्मरणीय च राहते.मोडनिंब ची यात्रा म्हणजे आनंदाची पर्वणीच. गावातील सगळ्यांचे नातेवाईक,मित्रमंडळी दूर-दुरून येतात.यात्रेआधी आठवडाभर गावात उत्साह असतो.

देवाला नैवेद्य दाखवण्यासाठी वाजत गाजत शेरण्या ह्या सोंगाच्या गाड्या चालू होईपर्यंत म्हणजे 8 वाजेपर्यंत दिवसभरच डीजेचा ताल व नृत्यांगना ,हलगी,लेझीम,झांजपथक,संबळ ह्या सर्व गोष्टींचा समावेशक असलेल्या वेगवेगळ्या मंडळाच्या शेरण्या आपला नैवेद्य-महानैवेद्य वेताळ बाबा ला घेऊन जातात. यात्रे तील खास आकर्षण म्हणजे सलग तीन दिवस चालणाऱ्या पारंपरिक, डिजिटल व आधुनिक अशा सोंगाच्या गाड्या. नेहमीच। प्रामुख्याने सोंगाच्या गाड्यांसाठी पुढाकार घेणारे मोडनिंब चे आर्टिस्ट सौदागर शिंदे ह्यांच्या मार्गदर्शनाखाली व सोगांच्या गाड्यांची टीम यांची तयारी जवळपास यात्रा चालू होण्याआधी एक ते दीड महिन्या अगोदरच चालू करतात.परिश्रम करणारे हे युवक हे वेगवेगळ्या व्यवसायातील असून त्या कालावधी मध्ये आपला व्यवसाय बंद ठेवून सोंगाच्या गाड्याची तयारी करण्यासाठी मग्न असतात.

यंदाचा अफलातून असा नरसिंहा,मोहित करणारा असा डायनसोर, 15 फुटी कोंबडा व सोबत 10-12 फुटाचे 5 कोंबडे , नाविन्यपूर्ण अशा चार मोठ्या कट पुतल्या ह्यांनी सर्वांचे लक्ष वेधून घेतले.

जवळपास  27 ट्रॅक्टर मधून  नानाविविध सोंगं संपूर्ण गावास प्रदक्षिणा घालून देवापाशी पोचतात. त्यानंतर अप्रतिम असे शोभेचे दारूकाम तद्नंतर ऑर्केस्ट्रा, नाटक असे रात्री 3- 4 वाजेपर्यंत यात्रा कालावधी मध्ये नियोजनपूर्वक हे कार्यक्रम होतात.ह्या वेळेस तर पंचक्रोशीतील गावांबरोबर परराज्यातील लोक ही सोंग पाहण्यासाठी आवर्जून उपस्थित होते.यात्रेसाठी टेंभुर्णी पोलीस निरीक्षक नारायण पवार यांनी नियोजनपूरक यात्रा कालावधी त कोणताही अनुचित प्रकार घडू नये यासाठी जवळपास 60 पोलीस फौज तैनात केले होते.मोडनिंब पोलीस स्टेशनचे हवालदार असिफ आतार,सहदेव देवकर व हवालदार हर्षवर्धन वाघमोडे  यांचे भाविक,ग्रामस्थ, पंचकमिटीस ही मोलाचे सहकार्य होते.दरवर्षी प्रमाणे यात्रा कालावधी चे सहा ही दिवस भांडण तंटा न होता, शिस्तबद्ध, स्वच्छता राखून यात्रा पार पडली. प्रत्येक भाविकांनी "आपली यात्रा" म्हणूनच सहकार्य केल्याने वेताळ देवस्थान ट्रस्ट कमिटी चे अध्यक्ष कुरण अण्णा गिड्डे, उपाध्यक्ष संभाजी अण्णा लादे,सचिव विजय खेलबुडे व इतर कमिटी मेंबर्स नी आभार व्यक्त केले.

खरोखरच दरवर्षी ची वेताळ बाबा ची यात्रा ही स्मरणीय च राहते.मोडनिंब ची यात्रा म्हणजे आनंदाची पर्वणीच.म्हणून तर मोडनिंब चे मात्र नोकरी-धंद्या निमित्त बाहेरगावी असणारी मंडळी मात्र दिलखुलास पणे मोठ्या दिमाखात सांगत असतात " नाद करायचा नाही आमच्या मोडनिंब यात्रेचा व यात्रेतील सोंगाच्या गाड्यांचा "