🏏 सह्याद्री चषक २०२५ ला दमदार सुरुवात!

आमदार सचिनदादा कल्याणशेट्टी यांच्या हस्ते उद्घाटन-उत्साह, स्नेह आणि क्रीडाभावनेचा संगम

मुख्य संपादक : संतोष पांढरे (मोडनिंब)

उळे (ता. दक्षिण सोलापूर) येथे ग्रामीण भागातील क्रीडा संस्कृतीला चालना देण्यासाठी आणि युवकांमध्ये संघभावना, शिस्त व आत्मविश्वास वाढवण्यासाठी सह्याद्री फाउंडेशन उळे यांच्या वतीने दरवर्षी आयोजित केली जाणारी ‘सह्याद्री चषक टेनिस बॉल क्रिकेट स्पर्धा’ यंदा आपल्या अकराव्या वर्षात पदार्पण करत आहे. या प्रतिष्ठित स्पर्धेचा भव्य उद्घाटन सोहळा आज अक्कलकोटचे आमदार सचिनदादा कल्याणशेट्टी यांच्या शुभहस्ते मोठ्या जल्लोषात पार पडला.

सह्याद्री फाउंडेशनचे अध्यक्ष नेताजीभाऊ खंडागळे यांच्या पुढाकारातून गेली अकरा वर्षे या स्पर्धेचे सातत्याने आयोजन होत असून, यंदाही उद्घाटन सोहळ्याने परिसरातील क्रीडाप्रेमी युवक आणि ग्रामस्थांची मोठी उपस्थिती आकर्षित केली. उद्घाटनावेळी आमदार सचिनदादा कल्याणशेट्टी यांच्या हस्ते स्पर्धेचा अधिकृत टी-शर्ट अनावरण करण्यात आला.

तर भाजप राज्य कार्यकारिणी सदस्य शहाजीभाऊ पवार यांच्या हस्ते दुसऱ्या सामन्याचा नाणेफेक सोहळा पार पडला.

ग्रामीण भागातील युवकांना प्रेरणा-

सह्याद्री फाउंडेशनने गेल्या दशकभरात क्रीडामाध्यमातून युवकांच्या सर्वांगीण विकासासाठी उल्लेखनीय कामगिरी केली आहे. फाउंडेशनच्या या उपक्रमामुळे गावागावातील तरुणांमध्ये शारीरिक स्वास्थ्य, संघभावना, नेतृत्वगुण आणि स्पर्धात्मकतेची भावना निर्माण झाली आहे.

“खेळ हे केवळ मनोरंजनाचे साधन नसून, व्यक्तिमत्व घडविण्याचे आणि समाजात सकारात्मकता निर्माण करण्याचे माध्यम आहे,” असे मत नेताजीभाऊ खंडागळे यांनी व्यक्त केले.आमदार सचिनदादा कल्याणशेट्टी म्हणाले,“सह्याद्री फाउंडेशनचे कार्य हे ग्रामीण भागातील युवकांसाठी प्रेरणादायी आहे. आजच्या काळात अशा क्रीडा स्पर्धा म्हणजे केवळ सामने नाहीत, तर आत्मविश्वास आणि एकतेचे प्रतीक आहेत. खेळातून तरुणांना दिशा आणि जबाबदारीची जाणीव निर्माण होते.”

स्नेहफराळात संवाद आणि आत्मीयता-

उद्घाटन सोहळ्यानंतर आमदार सचिनदादा कल्याणशेट्टी यांनी नेताजीभाऊ खंडागळे यांच्या निवासस्थानी भेट देऊन बोरामणी, मुस्ती, कासेगाव पंचक्रोशीतील मान्यवरांसह स्नेहफराळात सहभागी झाले. कार्यक्रमाच्या निमित्ताने उपस्थित पाहुण्यांनी एकमेकांशी संवाद साधत ग्रामीण भागातील विकास आणि क्रीडाविकासाच्या दिशा यावर विचारमंथन केले.

मान्यवरांची उपस्थिती-

या सोहळ्यास सिद्धेश्वर मार्केट कमिटी उपसभापती सुनील (सावकार) कळके, भाजपा मंडल अध्यक्ष महादेव पाटील, राजेश जगताप, डॉ. कुंभार, सिद्धाराम हेले, नाना भोसले, किसन म्हस्के, प्रथमेश भोसले, वैभव हलसगे, राज साळुंखे, आकाश माशाळे, मधुकर चिवरे, इरेश अंबारे, सिताराम राठोड, बालाजी कवडे, मारुती बिराजदार, यशपाल वाडकर, प्रवीण चौगुले, ज्ञानेश्वर कदम, शिवराज जाधव, प्रशांत जाधव, धनाजी काळे, सागर पवार, वसीम कारभारी, विश्रांत गायकवाड, सुधाकर पाटोळे, सज्जन पाटील, स्वामीराव पाटील, हनुमंत सरडे, बंडू चेंडके, संजय पाटील, नामदेव हाक्के, गणीभाई शेख, रहीम शेख, सरकार पाटील, राजू गुंड, शिवा गुंड, आबा भोसले, सिताराम जाधव, दत्ता खंडागळे, गणेश कोले, प्रवीण कासार आदी मान्यवरांची उपस्थिती लाभली.

सामाजिक बांधिलकीचा आदर्श-

‘सह्याद्री चषक’ स्पर्धेच्या माध्यमातून ग्रामीण भागात केवळ क्रीडा नाही, तर सामाजिक एकात्मता आणि बांधिलकीचा नवा आदर्श निर्माण होत आहे. प्रत्येक वर्षी या स्पर्धेमुळे अनेक नवोदित खेळाडूंना संधी मिळते आणि गावागावातील खेळाडू एकत्र येऊन स्नेह, स्पर्धा आणि प्रेरणेचे वातावरण निर्माण करतात.